狂牛出局之後

去屆世界杯冠軍，以及連續兩屆歐洲國家盃盟主西班牙，挾着世界排名第一球隊的威名到巴西衛冕，首圈黯然出局。

西班牙連敗兩場篤定提早 收檔，引證一代霸主時代的終結， 球壇再次改朝換代。 賽後大量分析指，西班牙主力老退、青黃不接，加上西甲三大巨頭聯賽激戰至最後階段，球員傷患及體力未能回復。另外，球員之間或存有心病，而且球隊稱霸太 久，球員普偏厭戰，缺乏爭勝決心。 還有天氣，飛行途程，水土不服等十萬個理由…… 慢着慢着，這些全部是開賽前已知道的公開資訊，那為何偏偏要等到米已成飯之後，才施施然獨到咁浮出水面呢?

早前，大行分別排隊調低濠賭股的前景。就好似你行街不小心踩到便便，你身旁的朋友才窩心地跟你說，「呢條路出名多狗，你除了心裏暗罵「你唔好出年先講」之外，已經一腳都喺，還可以怎樣呢?

 所謂專家 比想像慢得多 

更吹脹的是，他們現在不只是真的等到出年先講，而且還神態自若，理直氣壯咁講。又呢又路，講到似層層。問題只是，股價早就跌得七零八落了。這些客觀因素個個都知，從來未有大變。變的，就只有結果而已。

OK，OK。要求居前瞻性，不隨眾的破格看法，或者太過苛刻。話晒世界冠軍，鬼知衰落得咁快咩?好，但在西班牙首戰大敗給荷蘭之後，又怎樣解說呢？次輪對智利，西班牙贏波的賠率依然熱得燙手。

在轉勢的客觀條件早就存在，只是無人察覺。 即使信號出現，大部分人仍未及反應。大伙兒必定要等到大局已定，一切太遲，才會慢慢醒覺。結論是，市場的反應，包括所謂的專家，往往都要比你想像中，仲要慢得多。

世盃爆冷賽果頻生，眾熱門客大嘆輸死。正所謂波是圓的，一場半場，咩都可以發生。就有如去賭場賭錢，一鋪半鋪，贏面均等。莊家只有在長賭的情況下，方可建立明顯優勢。同樣道理，熱門客若堅持要賭，就只好盡量把運氣因素攤薄，例如買最後冠軍，勝計才較有保證。